Քրիստոնեայի պատասխանատուութիւնը արդի ընկերութեան մէջ` համամիութենական 7-րդ ընկերային
շաբաթ, կազմակերպութեամբ Ուկրանիոյ Լվովի կաթողիկէ համալսարանին։
29 Սեպտեմբերէն - 4 Հոկտեմբեր Ուկրանիոյ Լվով կաթողիկէ համալսարանին մէջ տեղի պիտի ունենայ
Համամիութենական 7-րդ ընկերային շաբաթուայ տարեկան հաւաքը` ''Քրիստոնեայ պատասխանատուութիւնը
արդի ընկերութեան մէջ'' նիւթին մասին։ Հաւաքին իրենց մասնակցութիւնը կը բերեն Ուկրանիոյ
եկեղեցւոյ ու ընկերութեան զանազան խաւերու ներկայացուցիչները որոնք պիտի բանակցին քաղաքացիական
ընկերութեան պատասխանատուութեան ու Եկեղեցւոյ դերին մասին ի տես ընկերային խոր յեղաշրջումներուն
ու ներկայ քաղաքացիական ընդհարումին։ Հաւաքին մասնակցողները պիտի արծարծեն նաեւ
հետեւեալ նիւթերը. Վատիկանեան Բ տիեզերական ժողովի ժառանգութիւնը, համամիութիւնը ու քոյր
եկեղեցիներու հետ երկխօսութիւնը։ Ժողովականները հուսկ պիտի խօսին երիտասարդութեան դերին
մասին ներկայ ընկերութեան մէջ` ''ձեռնարկող երիտասարդութիւն'' բնաբանով։